За Нас

За Нас

Почитувани пријатели,

ДПТУ „ЖИТО“ ДООЕЛ Велес е компанија во сопственост на г-дин Јованче Ѓошевски.

Zito_Market_logo1

Приказната започнува во далечната 1988год. кога семејството Ѓошевски скромно и домаќински го отвори својот прв маалски дуќан за трговија на мало во Велес. Од тогаш со знаење и упорност, со верба во себе и јасна визија сопствениците продолжија да отвораат и други објекти во Велес. Како расте и се развива Жито така се зголемуваа и предизвиците пред кои се исправува. Во 1998год. Жито ја прошири својата мрежа на маркети и го отвори првиот маркет во Скопје.

Вистинската експанзија на брендот се случи во 2014-2015год. кога отворивме повеќе од 20 супермаркети ширум Македонија. Денес, компанијата “Жито” располага со 59 маркети распространети во 20 општини во земјава: Велес, Скопје, Прилеп, Битола, Струмица, Кочани, Виница, Росоман, Градско, Чашка,  Делчево, Демир Капија, Валандово, Тетово, Куманово, Неготино, Гостивар, Облешево, Кичево, Македонска Каменица. Со нашите преку 850 вработени претставуваме препознатлив бренд во својата област, а многубројните признанија (најдобар трговски објект за 2010 и 2017год., Superbrands 2015/2016, International Best Brand 2015) ни даваат поттик да продолжиме да работиме и да го направиме Жито подостапен за сите. На своите лојални купувачи им овозможивме да станат дел од “Клубот на верни купувачи” со цел да добијат и заштедат повеќе.

Денес кога конкуренцијата е огромна и треба да понудите нешто плус и поразлично, многу е важно да се задржи фокусот на потрошувачот. Затоа, во ниту еден момент не отстапуваме од нашите основни постулати на кои се потпира нашиот концепт за работа: ниски цени, љубезност и квалитет.

Обраќање на сопственикот

Како и секој дом, како и секое семејство, потребно е да се постават здрави темели кои се предуслов за понатамошен успех и развој. Низ историјата успесите на ЖИТО секогаш биле базирани на цврсти вредности: одговорност, чесност, доверба и интегритет. Всушност во изминатите 30години од самото основање на компанијата овие вредности беа наш двигател кој ни го покажуваше патот по кој што треба да се движиме.

Денес кога се навраќам на почетоците, чувствувам обврска кон иднината и гордост кон минатото. Гордост за која е заслужен подеднакво секој наш купувач, сите Вие кои ни ја давате довербата цели 30години. Оттука произлегува и нашата обврска кон сите Вас, свесни дека патот до успехот е полн со тешкотии и препреки но и дека е уште потешко задржувањето на врвот. На укажаната доверба, секогаш и секаде сме излегувале во пресрет на сите оние на кои им била потребна нашата подршка. Сакам да ве уверам дека таа традиција и изградбата на ЖИТО како општествено одговорна компанија ќе продолжи во иднина. Наша должност е да бидеме најдобри во она што сме се определиле да го работиме. Од ден во ден, од недела во недела, макотрпно работиме да го направиме ЖИТО среќно семејство на што е можно поголем број на граѓани.

Убеден сум дека со ваша подршка ќе успееме во тоа.

повеќе →