Интервју за „Капитал“

Интервју за „Капитал“

Далибор Ѓошевски
генерален извршен директор

ГО ГРАДИМЕ ЖИТО КАКО СЕМЕЈСТВО СО ВИСТИНСКИ ВРЕДНОСТИ

Целокупната стратегија и оваа и изминатите 25 години ја базираме на неколку основни постулати: Врвен квалитет, ниски цени и љубезен персонал. Нашата визија да го направиме Жито еден од водечките синџири од супермаркети не запира на сегашните 31 супермаркет и продолжува понатаму.

 

Slika 

 

– Kакви се rезултатите од работењето на Жито маркети од почетокот на годината и какви се очекувањата за следниот период?
Посветеноста во работата, наоѓањето нови идеи и начини на дејствување кои се широко прифатливи и носат бенефит за крајниот купувач се основните предуслови кои можат да генерираат успешна продажба. Целокупната стратегија и оваа и изминатите 25 години ја базираме на неколку основни постулати: врвен квалитет, ниски цени и љубезен персонал. Колку подолго опстојуваме и се држиме до нив, толку сме поблиску до постигнувањето на зацртаните годишни параметри. Нашите секојдневни заложби одат во насока на подобрувањето на услугата која ја нудиме со цел од ден во ден да имаме с$ поголем број задоволни и лојални потрошувачи. Колку е поголем нивниот број, толку сте поблиску до целта и обратно, колку е помал, толку ви се поголеми шансите да покажете незадоволителни резултати во работењето. Знаеме дека со голема брзина, особено во помалите градови каде што имаме маркети, се шири приказната коja ја раскажуваат задоволните купувачи, но исто така знаеме дека и незадоволниот купувач може значително негативно да се одрази врз самата компанија.

Токму затоа, отсекогаш за нас купувачите го имале највисокото место на пиедесталот. Им благодарам што знаат да го препознаат тоа и на довербата која ни ја даваат повеќе од 25 години.

 

– Колку се одразува економската криза и намалената куповна моќ на граѓаните врз прометот, се чувствува ли пад на продажбата?
Ако се има предвид дека како синџир од маркети, широко сме распростра- нети во неколку општини, ние мора да го прилагодиме целокупното работење н а супермаркетот на куповната моќ на населението и на него- вата местоположба. Кога говорам за прилагодување, не мислам само на ценовната политика на продуктите, туку и за обезбедување ред други поволности и бенефиции за крајните купувачи. Без разлика дали станува збор за промоција, гратис-акција, ценовно намалување или наградна игра, истите немаат еднаква реализација во сите супермаркети. Доколку ја познавате средината во секоја општина, полесно можете да донесете мерки кои и во услови на криза соодветно вистински би се одразиле врз продажбата и би биле дополнителна поволност за потрошувачите. Се трудиме според потребите на потрошувачите соодветно да одговориме на нивните барања во секој град и во секоја општина каде што сме присутни.

 

– Каква е вашата стратегија за развој на бизнис во услови на криза?
Нашата визија да го направиме Жито еден од водечките синџири од супермаркети не запира на сегашните 31 супермаркет и продолжува понатаму. Понекогаш поради приликите во земјата се движиме побавно, понекогаш кога бизнис-климата го дозволува тоа одиме со побрзо темпо. Покрај најавата за отворање на новиот супермаркет во Гостивар, во средата поставивме камен- темелник и на новиот објект во Гевгелија. Отворањето нов и супермаркети на Жито подразбира и отворање нови работни места. Понекогаш тој број е симболичен, понекогаш порепрезентативен, меѓутоа секогаш во функција на подобрување на општата ситуација. Се разбира, одот кон новите походи мора да биде трпелив, со зачувување на веќе освоените пазари. Предизвикот што стои пред нас, кој ќе го реализираме до крајот на тековната година, е отворањето на нашиот прв супермаркет во Гостивар. Желбата за докажување и мотивацијата нема да ни недостигаат ако се има предвид дека за прв пат ќе се претставиме на тој пазар. Убеден сум дека имаме и знаење и искуство тоа да го направиме успешно, како многупати досега.

 

– Кои беа клучните фактори за растот и развојот на Жито маркети?
Кога почнавме да го градиме Жито како бренд кој нешто ќе значи во својата област на работење, наидувавме на многу проблеми и препреки, но имавме цврста волја и силна желба, професионално и одговорно, чесно и домаќински да се обидеме од Жито да направиме бренд. Имавме и искусни и млади кадри, и луѓе кои знаат да водат, и млади и образовани кои знаат да слушаат и да учат, на кои во тоа време им недостигаше искуство. Не можам да не ја издвојам клучната улога на моето семејство, особено улогата на мојот татко во изградбата на она што денес претставува Жито. Горд сум што можев да учам од него и што денес со нивна поддршка можам да го продолжам патот на успехот. Денес успеавме да го изградиме Жито како препознатлив бренд во својата област, за што говорат и многубројните признанија и благодарници, меѓу кои е и признанието од 2010 година, кога бевме прогласени за најдобар трговски објект во категоријата супермаркети. Го изградивме Жито и како препознатлив бренд на полето на земјоделството, каде што раководи мојот постар брат и каде што успеаја со користење на најсовремена технологија за производство на овошје да постигнат одлични резултати и да бидат конкурентни и надвор од границите на нашата земја. Би сакал да им се заблагодарам и на сите наши вработени, кои несебично се вградија во изградбата на брендот Жито, кој прераснува во едно големо семејство. Горд сум на секој од нив посебно и секој од нив има своја заслуга што Жито маркети од ден во ден има сe поголем удел на македонскиот пазар. Се разбира, тоа немаше да биде можно без партнерските односи кои ги градиме и ги негуваме со години наназад со нашите доставувачи.

 

– Колку влијае порастот на цените поради поскапувањето на суро-вините на светско ниво врз обемот на продажбата?
Кога говориме за цените на производите во супермаркетите, свесни сме дека говориме за најчувствителната тема за најголем број граѓани. Понекогаш како компанија чија основна дејност е трговија на мало преку сопствени супермаркети, доведени сме пред свршен чин поради покачување на набавната цена од страна на самите произведувачи или доставувачи, кои пак, се приморани да ги коригираат цените поради поскапувањето на суровините на берза. Денес е најтешко на полица да поставите квалитетен производ кој притоа ќе има пониска цена во споредба со конкуренцијата, а за вас сето тоа да биде економски исплатливо. И тука се согледува целокупната умешност на менаџментот на компанијата – во еден фер натпревар со правила кои ќе важат за сите еднакво да се обиде порастот на цените да се доведе во оптимална корелација со обемот на продажбата. Ако понекогаш не можеме да влијаеме на корекциите на цените во тоа примарно ниво, потребно е да покажеме повеќе разбирање, чувство и подготвеност преку алтернативни патишта да го ублажиме се повеќе тој негативен тренд. Понекогаш посакуваните резултати нема веднаш да стигнат, но ако сте сигурни во стратегијата, мора и да бидете истрајни за да го почувствувате позитивното од она што сте го сработиле.

 

– Каков е интересот на граѓаните за македонските производи или сепак, повеќе се купуваат увозни? Како во супермаркетите да се стимулира продажбата на домашните производи?
Најдобрата поделба е онаа која најчесто ја прават и нашите купувачи – поделба на добар и квалитетен производ и на про-извод кој реално, не ги задоволува ни минималните услови за квалитет и негова продажба. Ако се земе предвид дека имаме имплементирано HACCP систем за вториот тип производи, воопшто нема место на полиците во нашите маркети. Секој производ кој има традиција и квалитет, за кој е врзана успешна приказна и на кого потрошувачите едноставно, му веруваат има успешна продажба. Во втор план е дали е од македонски производител или потекнува од земја-членка на EУ. Многу од македонските производи, и како резултат на сопствените квалитети, и како резултат на просторот и стимулирањето што го добиваат од нас, се водечки во својата категорија производи. На македонските производи им посветуваме значително внимание, трудејќи се да им дадеме доволна можност да се изборат за сопственото место, на тој начин придонесувајќи за една повисока општествена цел. И самиот консумирам во најголем дел македонски производи и се трудам да ги убедам и останатите да го прават истото.

 

– Кои се предностите што ги нудат вашите маркети во споредба со конкуренцијата за да ги освоите вашите купувачи?
За разлика од минатото, кога меѓусебе се натпреварувавме кој ќе ги има основните прехранбени производи во доволни количини, денес многу е поразлично работењето во оваа област. Конкуренцијата е поголема од кога било, сe е веќе видено и измислено, набавните цени се речиси исти за сите, а вие треба да ги задоволувате потенцијалните купувачи. Се поставува прашањето: како? Да не бидам погрешно разбран, сакам да нагласам дека ние ја поздравуваме секоја здрава и легална конкуренција и сметаме дека од тоа може да имаат корист само крајните купувачи, за чија доверба сите ние и работиме. Доколку сте професионалец во работата, доколку сте одговорни и креативни, ако чесно и домаќински работите, ако успеете да создадете компанија која сите ќе ја гледаат како едно семејство и имате тим на којшто му верувате, тогаш без разлика на конкуренцијата, знаете дека ќе успеете и дека секогаш ќе бидете чекор пред сите.

Доколку максимално и се посветувате на секоја забелешка од потрошувачите, доколку се посветите да ја насочите во правец на квалитетот на услугата кој го нудите, вложувате во обуки на персоналот, тогаш резултатите се неминовни. Проектите коишто претстојат за реализација идната година, а се однесуваат првенствено на полето на маркетинг, ќе бидат нови и досега невидени на македонскиот пазар и ќе донесат уште многу бенефити за нашите потрошувачи, додека оваа година е во тек еколошки проект за замена на постојните штедливи светилки со LED светилки поради заштеда на енергија и помало светлосно загадување. Се надевам дека во иднина ќе можеме позитивно да одговориме на сите барања за отворање нови Жито маркети ширум Македонија и дека ќе имате можност што поблиску до вашиот дом да посетите некој од нашите Жито маркети и да се уверите во она што го говорам .